كورة اهلاوية - || مـQـهي كوره اهلاوية (7)||


مانشيستر يونايتد


طباعة
التواقيع
حجم الصفحة:
الصفحة :
إذهب إلى منتدى:
ارشيف الصحف
   || مـQـهي كوره اهلاوية (7)||   عرض جميع المشاركات بالكامل تصغير عرض جميع المشاركات
el3mel
10:14 - 2016/11/06  
بسم الله الرحمن الرحيم

Google
10:14 - 2016/11/06


راحل و يبقى الأثر
10:29 - 2016/11/06  
السؤال عن أهمية مصر ممكن صياغته بطريقة تانية

هل منطقة الشرق الأوسط ليها أهمية خاصة عند أمريكا أو الدول العظمى عموما

لو ليها أهمية خاصة يبقى أكيد في سيطرة أو محاولة سيطرة على هذه البلاد بشكل أو بآخر

هل مصر مهمة للعالم في نظرنا ؟
لو الإجابة لا
فده مش دليل على عدم أهميتها لأن في شواهد بتدل على إن في إهتمام خاص
giovinco
10:30 - 2016/11/06  
خلاص متزعلش نفسك يا ايهاب
بس مكنتش فاكر انك متشائم بالطريقة دى
لدرجة انك بتحاول تنكر دور بلدك
وبعدين على اعتبار انى كلامك صح
كان لينا دور وانتهى
ايه الاسباب من وجهة نظرك

=============================
ما انا نفسي تقولي ايه هو الدور بتاع مصر ومكانتها علشان تحرجني وتقولي انت
بتنكر دور مصر

حد يقولي دور مصر الاول يا جدعان

بالنسبة لسؤالك

الاجابة هي " 64 سنة من حكم العسكر "
الصعيدى الهاشمى الشريف
10:30 - 2016/11/06  
دورك بيتلخص انك أكبر دولة عربيه
وكمان موقعك الجغرافى
بس تخاذل المسؤلين أدى لتراجع الدور بس لسه ليك أهمية برضو
راحل و يبقى الأثر
10:31 - 2016/11/06  
بغض النظر عن نظرية المؤامرة

لكني أعتقد بوجودها بقوة في مصر 

الصعيدى الهاشمى الشريف
10:31 - 2016/11/06  
دور مصر أنت جاوبت عليه بنفسك لما جبت صورة الملك فاروق كان فى وقتها دورك انك غنى ومعاك فلوس
مكنش فيه قناة سويس
بس دلوقتى أنت استبدلت الفلوس بقناة السويس
giovinco
10:32 - 2016/11/06  
راحل و يبقى الأثر

الدول الخارجية وخصوصا الكبري بتهتم بكل الدول
زي مشكلة جنوب السودان مثلا

هل السودان دولة عظمي مثلا علشان امريكا تهتم بتفتيها والكلام دا ؟؟

العلاقات الخارجية لكل دولة محدش ينكره

انا اعتراضي علي ان فكرة ان دول العالم بتترعب من مصر
ودي الجملة اللي بيرددها مؤيدين اي رئيس فاشل

علشان يقول كل دول العالم بتحارب الرئيس علشان الدول خايفة ومرعوبة من مصر
الصعيدى الهاشمى الشريف
10:33 - 2016/11/06  
أنا هكمل معاك نقاش بعدين يا ايهاب بس الحق أنام ساعه قبل المتشات لأنى صاحى من امبارح الصبح
giovinco
10:34 - 2016/11/06  
دورك بيتلخص انك أكبر دولة عربيه
وكمان موقعك الجغرافى
بس تخاذل المسؤلين أدى لتراجع الدور بس لسه ليك أهمية برضو

====================
برضوا كلام انشائي تاني مع احترامي

انا كمسئول امريكي ايه اللي يرعبني من ان مصر اكبر دولة عربية ؟؟؟؟؟

ودا يودينا مصر اكبر دولة عربية من ناحية ايه ؟؟؟

مساحة ؟ لا
GDP ؟ لا
جيش ؟ لا
تاريخ ؟ العراق عندها تاريخ قديم فشخ
فلوس ؟ لا
بترول ؟ لا
علم ؟ لا

امال احنا اكبر دولة عربية باماراة ايه ؟؟؟؟؟؟؟؟؟؟
الصعيدى الهاشمى الشريف
10:36 - 2016/11/06  
أنت رددت كلام انشائى أكتر من مره
وبرضو مستمر فيها
أنت مش مقتنع دى حاجه ترجعلك
الصعيدى الهاشمى الشريف
10:37 - 2016/11/06  
أستودعكم الله
السلام عليكم
راحل و يبقى الأثر
10:38 - 2016/11/06  
صح يا إيهاب أنا أتفق معك إننا لسنا في حالة ترتعب لنا القوى الإستعمارية

لكن يبقى لدينا قوى كامنة تخيفهم
ودائما الناس دي بتشتغل إنها تبقى سابقة بخطوات و مراحل مرحلة الخطر
giovinco
10:41 - 2016/11/06  
ابو اياد
كلام انشائي دي مش كلمة وحشة

كلام انشائي معناه كلام عايم ملوش ملكة ملوش مسكة تعرف تقفشه منها

وللاسف دي اكليشهات كتب الدراسات الاجتماعية اللي فضلوا يزرعوها فينا من الابتدائي

زي ما بتعمل الشئون المعنوية دلوقتي في القوات المسلحة

الاتنين بيحشوا مش اكتر

انا سئلتك كذا سؤال ومردتش عليا زي ايه المصدر اللي اعتمدت عليه ان دول العالم مؤمنة بدور مصر
وايه هو دور مصر
وليه احنا اكبر دولة عربية
وبرضوا مجاوبتنش علي الاسئلة دي

اتمني تجاوبني عليها بكره بعد ما تصحي

تصبح علي خير
giovinco
10:42 - 2016/11/06  
راحل و يبقى الأثر

تمام

ايه بقي هي القوة الكامنة بتاعتنا ؟؟
متمثلة في ايه مثلا
no matter what
10:56 - 2016/11/06  
حوار شيق متابعه من ١٠ دقائق
 
طيب انا هتكلم عن دور مصر في التاريخ الحديث
مصر فعلا كان ليها دور هام في لعبه التوازانات بالشرق الاوسط
كان ليها دور هام في اجراء عمليه التطبيع مع الكيان الصهيوني
مصر كانت المدخل الرئيسي لتقبل تواجد السرطان الاسرائيلي في الشرق الاوسط
الغرب اتعاملوا معانا كوسيط ومدخل للعالم العربي لتقبل فكرة التطبيع مع اسرائيل
ومابعد الحرب اتعاملوا معانا كضامن للتوتجد الاسرائيلي
انا علي اي مستوي سياسي اخر فمصر لم يكن لها اي دوربارز
طول عمر قيادتها تقعل ما يمليه عليها الغرب ليس الا
طمعا في البقاء في السلطة لاكبر وقت ممكن و احيانا طمعا في معونات اقتصاديه لتحسين بالوضع الاقتصادي الداخلي السيء
..،،
بس مصر مع بلحه ليها شكل مختلف
ابقت عبارة عن دوله م***ه ليس الا
giovinco
11:03 - 2016/11/06  
اما علي اي مستوي سياسي اخر فمصر لم يكن لها اي دوربارز
طول عمر قيادتها تقعل ما يمليه عليها الغرب ليس الا
طمعا في البقاء في السلطة لاكبر وقت ممكن و احيانا طمعا في معونات اقتصاديه لتحسين بالوضع الاقتصادي الداخلي السيء

222222222
دي الخلاصة
لكن كلام ان الدول الغربية خايفة مننا ومش عارف ايه مش شايفله اي اماراة الصراحة
no matter what
11:10 - 2016/11/06  
معتقدش ان في دولة هتخاف مننا لسبب بسيط اننا طول عمرنا خانعين
اغلب الكلام اللي موجود في الكتب المصرية هجص
تاريخنا كله مزور ومكتوب عن طريق الفائز و حاشيته
راحل و يبقى الأثر
11:43 - 2016/11/06  
تمهيدا للإجابة على سؤالك يا إيهاب
طيب لو ما بقيناش خانعين ؟
إيه اللي ممكن نعمله ولو على المدى البعيد

لو قدر إن بقى في توافق متبادل على مستوى رئاسة الجمهورية فما تحت لوحدة سياسية بين مصر و السودان هل في حد هيتدخل للمنع أم لا ؟

لو قدر إن السياسة المصرية تجاه إسرائيل تغيرت و لو قليلا الغرب هيتحرك ؟

لو قدر إن مصر مسكها واحد قضى على الفساد الداخلي و اتجه للإستثمار في العلم وعاوز يعمل نهضة حقيقية هل الأمر ده هيزعج حد ؟

مصر دولة كبيرة سكانيا
وكموقع جغرافي فهي تعتبر بوابة لكثير من الدول العربية و قريبة من أوروبا
ومن الدول التي لديها مؤهلات لقيادة دول أخرى

كل دي و غيرها قوة كامنة
بمعنى غير مستغلة
ولو استغلت قد تحقق الإستقلال الحقيقي من التبعية
ولو استقلت من التبعة تماما أكيد هيبقى ليها مشروع مناهض و متعارض مع مشاريع الدول العظمى
giovinco
11:53 - 2016/11/06  
راحل و يبقى الأثر

بالنسبة للوحدة بين مصر والسودان محدش هيمنعك الا لو انت مش عارف انت بتعمل الوحدة دي ليه فهتبقي هشة جدا
زي اللي حصل مع سوريا من 58-61

==============
الغرب هيتعامل مع الوضع الجديد برضوا ولكن مش معني كدا انك بتسيطر عليهم
اسرائيل مجرد حليف ليهم واستحالة الامريكان يعلوا مصلحة اسرائيل علي مصلحة امريكا مثلا
اسرائيل مجرد حليف علي مزاج امريكا مش مالك امريكا

==============
لما يقضي علي الفساد ويعمل نهضة حقيقة
دا مش هيزعج حد خالص بدليل مئات الدول اللي عمل كدا ومفيش حد انزعج
امثلة تركيا -اندونيسيا - كوريا الجنوبية - سنغافورة - نيجيريا - الهند - البرازيل - جنوب افريقيا
كل دي دول تطورت ومسعمناش عن اي مؤامرات امريكية

===================

اللي انت بتقوله عن السكان والجغرافيا
دي ممكن تكون مميزات زي ما اي بلد في العالم عندها مميزات
يعني مثلا المغرب بيقولوا علي نفسهم مفتاح دول البحر المتوسط للوصول الي امريكا
اه هي ميزة بس متديلهاش اي تفوق في اي حاجة

للامانة علي ارض الواقع دي مش قوة كامنة اكتر ما دا كلام بنصبر بيه روحنا مش اكتر
giovinco
12:03 - 2016/11/06  
هاكلمك علي مثال لدولة تانية علشان تعرف بس ان الكلام دا احنا بنضحك بيه علي روحنا مش اكتر

نيجيريا
- تاني اكبر دولة في افريقيا بعد جنوب افريقيا
- احد اكبر مصدرين البترول في العالم والدولة رقم 8 عالميا في احتياطي البترول
- الدولة رقم 10 علي العالم في انتاج الغاز الطبيعي
- واحدة من اهم الدول في انتاج الخشب وتصديرها للعالم
- موجودين ضمن اهم 20 دولة اقتصادية في العالم وناتج الدخل القومي يتجاوز 750 مليار دولار
- مساحتها قد مصر وعدد سكانها 160 مليون نسمة
- ارض عامرة بالخيرات والثروات المعدنية
- مفتاح دول غرب افريقيا (اللي هي مخزن ثروات العالم من الدهب والالماس والعاج والبترول والغاز الطبيعي)
- واحدة من اكبر الدول اللي فيها مسلمين في العالم


عمرك سمعت ان امريكا هتموت من الرعب من نيجيريا ؟؟
طيب عمرك سمعت ان الدول الغربية هتموت من الرعب علشان نيجيريا بتفكر تتحالف مع الكاميرون ؟؟


انا ممكن اجبلك عشروميت دولة احسن مننا بس محدش فيهم بيقول الاسطوانات بتاعت الغرب بيعملنا الف حساب
وجايز هما مش بيقولوا الاسطوانات دي لان التخلص منها اكبر سبب دفعهم للتقدم

احنا دولة صغيرة وملهاش قيمة في الوقت الحالي ومتصدرين كل الترتيبات والتصنيفات السلبية في العالم

بالله عليكم مين اللي هيعملنا حساب ؟؟؟ وهيعملنا باماراة ايه ؟؟

يعني هيسبوا كل دول العالم المتقدمة ويعملوا حساب لمصر اللي معندهاش اي ميزة وبتكح تراب وشعبها اكتر من 90% مصاب بمرض مزمن مختلف ؟؟
اهلاوى مدريدى يوفنتاو
12:30 - 2016/11/06  
http://kora-ahlawya.com/f.aspx?mode=t&t=408&r=156478
شابو يا ايهاب وطبعا كنت عاوز اجيب لينكات اغلب ردودك بس لقتهم كتير
اختصرتهم فى لينك واحد ومتفق معاك طبعا
giovinco
12:55 - 2016/11/06  
تسلم يا سيد
=====================
بالصدفة لقيت البوست دا علي الفيس
مهدلي عموما من احسن الناس علي الفيس خصوصا في الحاجات العلمية

الرد دا يوفر علينا مناقشات كتير فشخ في النقطة بتاعت الغرب مرعوب مننا

===========
Mahmoud Mahdaly
16 mins ·
في 3 أيام فقط، Mark Zuckerberg مؤسس الفيسبوك خسر 4 مليار دولار من ثروته الشخصية (بسبب إنخفاض في سعر أسهم الفيسبوك بسبب زيادة التكاليف وأشياء أخرى.) للمقارنة أو المقاربة، المليار جنيه مصري تقدر تبني شقق إسكان متوسط أو إجتماعي لأكتر من 10 مليون فرد في مصر.. المليار دولار الواحدة ب14 مليار جنيه. هو خسر 4 مليار دولار. المبلغ دا نص تكلفة قناة السويس الجديدة ويعمل 9 من الطريق الدائري، ويعادل ثلث المنحة اللي مصر هتموت عليها من صندوق النقد الدولي وحاطة عليها كل أملها في إنقاذ إقتصادها! يعني حرفيًا يكون عندك القدرة إنك تدي مصر مصروفها تجيب بيه أكل وشرب ووظايف.
.
الواحد كل ما يفتكر إن مبلغ زي دا ما هو جزء طفيف جدًا من ثروة شاب عمره 32 سنة يخسره ويكسب أضعافه في أيام، ممكن بجزء تافه من ثروته يقوم دولة عملاقة على رجليها، بيبقى صعبه عقله ميهبأش منه. حاجة كدا تنسف العقل ومخلة بكل الآداب العامة، حاجة مفيش أي كلمات في أي لغة بشرية ممكن توصفها، مينفعش تدرك اد ايه هي خارقة فور سماعها، لازم تفكر فيها أيام أو شهور عشان تعرف تفككها من بعضها وتدي لعقلك فرصة إنه يستوعب جزء بسيط منها وساعتها مش دماغك بس، بل كل جسمك هيسيح ويتحول لشعرية.
راحل و يبقى الأثر
12:58 - 2016/11/06  
 
بس إحنا مش بنقول الكلام ده عشان نصبر نفسنا بيه
لأنه في الحقيقة بيحزن أكتر

ثم إن التحرك لا يلزم منه السيطرة أو النجاح
التحرك دليل الإهتمام
راحل و يبقى الأثر
13:01 - 2016/11/06  
نيجيريا مش دولة قائدة يا إيهاب ولن تكون ودي نقطة مهمة

وبعدين تاني بقول نحن لسنا دولة مرعبة لهم حاليا

لكن عندنا إمكانيات تؤهلنا لذلك وهما عارفين كده
بريطانيا لم تكن أكبر البلاد من حيث التعداد السكاني
لكن كان لديها قدرات لتحتل نصف العالم

المنطقة العربية
لديها التأثير الكبير في القيادة و في وضع أهداف قد يكون جزء كبير منها متقاطع مع مصالح الغرب

عموما الإهتمام و التحرك درجات حسب إستشعار الخطورة
وأيضا حسب الممانعة لديك من هذا التحرك سيكون الفشل أو النجاح

بس إحنا متفقين إن وضعنا الحالي مزري جدا
لكن السؤال هل أحد لديه مصلحة في أن نبقى على هذا الحال
ولست أقول أنه و إن وجد هو السبب الوحيد فيما نحن فيه
giovinco
13:03 - 2016/11/06  
نيجيريا مش دولة قائدة يا إيهاب ولن تكون ودي نقطة مهمة

=================
لما كل دا مش دولة قائدة
امال الدولة القائدة تبقي مين ؟؟
دولة بتشحت زي مصر

هي دولة قائدة طبعا بس الفكرة احنا مش مركزين معاها زي ما امريكا مش مركزة معانا كدا
giovinco
13:08 - 2016/11/06  
ولو نيجيريا مش دولة قائدة فمصر ابعد ما تكون عن القيادة

اقرا البوست بتاع مارك

حتة عيل زي مارك 32 سنة يقدر بثروته لوحده تقدر تتحكم في مصر بالكامل فما بالك بامريكا كلها !!!

القرض اللي احنا هنبيض عليه هو يقدر يدفعه زي ما بيمون عربيته بالزبط

وتقولولي امريكا مرعوبة ؟؟


giovinco
13:10 - 2016/11/06  
مش ملاحظين ان كلامنا علي مصر والغرب اشبه بكلام الزملكاوية عن ان كل اطراف الكورة في مصر بيتامروا عليهم

ومرعوبين منهم
وانهم بيالفوا تصريحات هبلة زي تصريح الجوهري اعطوا الزمالك العدالة الكروية وسنجعل كل اندية مصر تنافس علي المركز الثاني

الاهلي والاتحاد المصري والافريقي والاعلام ودول شمال افريقيا والخليج
كل دول بيتامروا علي فريق فاشل

امال لو فريق ناجح كان كوكب المريخ والمجلس الاعلي للكون تآمر عليه ؟؟

الظاهر ان قدر كل المسئولين الفاشلين انهم يشغلوا رعاياهم بان الاطراف التانية خايفين منهم وعلشان كدا بيعملوا كل جهدهم علشان يوقعوهم

وان المسئول الفاشل ملوش علاقة بوقوع الفريق نفسه

راحل و يبقى الأثر
13:11 - 2016/11/06  
أولا نيجيريا و دول غرب أفريقيا بالكامل صنيعة الإستعمار
لا ماضي قيادي و لا شيء
وغن كان فكان لقبائل قوية هي الآن ممتدة في الدول المختلفة مع تغير في لغاتها و طباعها و قوتها الإقتصادية
كما أن نيجيريا كدولة مقسمة بشدة وفيها من التضاد الداخلي ما يكفيها
كما أنها ليست دول ينظر إليها الدول المجاورة و يقتدوا بها
حتى لو أصبحت قوة فهي موجهة لنفسها

الوضع و أشد منه في جنوب أفريقيا رغم تفوقها الشديد على مثيلاتها الإفريقية بما فيها مصر
giovinco
13:18 - 2016/11/06  
طيب كل دول العالم صنيعه الاستعمار
امريكا نفسها صنيعه الاستعمار ايه علاقة دا بدورها القيادي

انك يكون ليك دور قيادي ملوش علاقة غير بعامل واحد فقط لا غير وهو ان يكون معاك حاجة باقي الدول محتاجها
زي البترول او الفلوس او جيش قوي بيصنع اسلحة او موارد طبيعية

انما تكون دولة معندهاش اي حاجة فانهي دولة عبيطة ترضي انها تنقاد من دولة تانية بدون مقابل ؟؟
امال انا هاطاطيلك ليه من الاساس لو مش هاخد مقابل


امريكا نفسها فيها انقسامات كتيرة
المانيا فيها انقسامات كتير
بريطانيا وانقسامات بالجملة اخرها brexit

ايه علاقة دا بالدور القيادي ؟؟

ومصر عندها ايه يخلي دولة تانية ترضي انها تطاطي لينا علشان تنقاد مننا ؟؟
giovinco
13:33 - 2016/11/06  
#عاجل #Breaking
1:50pm

المتحدث الرسمي لوزاره البترول حمدي عبدالعزيز للوطن:
شركه #ارامكو لم ترسل شحنات البترول 700 الف طن للشهر الثاني لمصر


2-
المتحدث الرسمي لوزاره البترول:
الوزاره تقرر رسميا طرح مناقصه عاجله لشراء 700 الف طن من البنزين والسولار و المازوت بديلا للشحنات السعوديه

==========================================
دلوقتي لو جاتلك نيجيريا وعملتلك تخفيض في 700 الف طن دول مصر هتوافق تبقي تحت طوع نيجيريا وتاخد صف نيجيريا في اي قرار
هنوافق ولا لا ؟؟

دا المفهوم الوحيد للقيادة ومن رائي ملوش اي تعريف تاني

علشان تبقي قائد لازم يكون معاك حاجة غيرك عايزها
وطالما انت ممعكش حاجة تساوم بيها غيرك فانت دورك ما بين دولة في حالها يا دولة تابعة لغيرها

حدثوني عن الغرب المرعوب مننا واحنا مش لاقيين اقل وابسط متطلبات الحياة
وهما بيعوموا في بحور من النعيم
راحل و يبقى الأثر
13:52 - 2016/11/06  
إيه يا عم إيهاب مش للدرجادي يعني
المقصد بصنيعة الإستعمار إنها لم تكن موجودة أصلا ككيان قبل الإستعمار
آدي نقطة
التانية
الإقتصاد مش كل حاجة
في واحد لو بقى غني مش هيأثر خالص في اللي حواليه
وفيه واحد لو قدر و بقى غني هيكون ليه تأثير كبير جدا
وما بينهما درجات
قارن بين
نيجيريا لو بقت دولة إقتصادها زي أوروبا
ومصر في نفس الظروف
أيهما عالميا ذا تأثير أكبر

نقطة ثالثة لو كان القوى الأكبر في العالم
بعيدة عنا جغرافيا و لم يكن بيننا كبير صراع كان ممكن نقول إن القوى الكبرى لا تعبأ بنا
لكن الواقع إن أوروبا و خليفتها الثقافية أمريكا كان ألد أعداءها دول الخلافة الإسلامية
فده عامل تالت مهم
لا يمكن إضافة مشاركات لهذا الموضوع لأنه تجاوز الحد الأقصى للمشاركات في هذا المنتدى. (500 رد)
   || مـQـهي كوره اهلاوية (7)||   عرض جميع المشاركات بالكامل تصغير عرض جميع المشاركات

طباعة
التواقيع
حجم الصفحة:
الصفحة :
إذهب إلى منتدى:
ارشيف الصحف

~ حكمة اليوم ~ ~ ~ 0.90 ثانية ~
~ XML Sitemap ~ HTML Sitemap ~ URL List ~
كورة اهلاوية
http://kora-ahlawya.com
  © DuHok Forum Team 2016
 هذا الموقع يستخدم برنامج
DuHok Forum 2.1

© DuHok Forum Team 2015