كورة اهلاوية - █◄ جَنـَاحُ GAMES-MOVIES-SERIES »العـ 8 |ـدد Entertainment corner


موقع كورة اهلاويه


طباعة
التواقيع
حجم الصفحة:
الصفحة :
إذهب إلى منتدى:
كورة اهلاوية
   █◄ جَنـَاحُ GAMES-MOVIES-SERIES »العـ 8 |ـدد Entertainment corner   عرض جميع المشاركات بالكامل تصغير عرض جميع المشاركات
City Lights
19:18 - 2016/10/06  
بصفتي ميح في الالعاب ف عندي مشكلة هبلة كده

اللاب بتاعي آخره يتلعب عليه بيس 6 و بلعبها من وقت للتاني

بس المشكلة من ساعة ما حولت لويندوز 10 و بقي بيظهر عندي شريطين سود ع الجانبين بياكلوا نص الشاشة و مبوظين اللعب خالص

مش عارف هل دي ليها حل و لا ايه ..
el3mel عضوية موثقة
19:23 - 2016/10/06  
City Lights

جربت تشوف الـ resloution بتاع اللعبة معمول على كام
هاتلاقيها فى ملف الـ settings باين

انا لسة شغال على 8.1 و مش فى دماغى احول لـ 10 خالص  
City Lights
20:08 - 2016/10/06  
تصدق الواحد اكتشف انه حمار  

بقالي قرن بغير الريسولوشن بتاع الكمبيوتر نفسه عشان يبقي زي اللعبة بس كان شكل الشاشة بيبقي زفت و كان حل مش عملي اني اغير كل شوية

أول مرة دلوقتي احاول اغير ريسولوشن اللعبة نفسه و اخليه زي الكمبيوتر و المشكلة اتحلت  
el3mel عضوية موثقة
20:12 - 2016/10/06  
يا فاجر بتلعب فى ريسولويشن الكمبيوتر دة انا عمرى ما عملتها فى حياتى  
الطبيعى تلعب فى ريسولويشن اللعبة بحيث تبقى نفس الريسولويشن بتاع الشاشة

المهم على البركة عيش بقى  
City Lights
20:22 - 2016/10/06  
ما انا مبتديء بقي ماليش في الحوارات دي  

عموما تشكر يا عميل نفعتني جدا   
el3mel عضوية موثقة
20:26 - 2016/10/06  
لا العفو يا كبير فى الخدمة فى اى وقت  
deco2016ahlawy
14:28 - 2016/10/07  
City Lights
احا انت عسل فشخ يا سيتي والله        
ظلال وأضواء
23:24 - 2016/10/07  
بعد أن أعلنت الجهة المنتجة لمسلسل "الأسطورة" الذى عرض من السباق الرمضانى الماضى 2016، تجديد تعاقدها مع النجم محمد رمضان لمدة 3 أعوام مقابل 110 ملايين جنيه، أصبح حديث الساعة خصوصاً بعدما تعاقد بمبلغ 110 ملايين جنيه لـ 3 مسلسلات دفعة واحدة، كما أن الخلافات ذابت فى غضون دقائق بعد التصالح مع الشركة، لاسيما أن محمد رمضان أصبح من نجوم الصف الأول.
deco2016ahlawy
14:35 - 2016/10/08  
110 مليون يادين النبي
seth rollins
20:53 - 2016/10/08  
حد شاف مسلسل Frequency يقولنا رأية فية
انا فاكر من زمان شوفت فيلم بنفس قصتة لكن الفرق ابن كان بين الاب الى مات وابنة فى المسلسل بنتة
Nightmare Mostafa
21:56 - 2016/10/10  

GOT fans will relate  

Cm punk
22:01 - 2016/10/10  
لا مفيش فانز هنا

*ابتسامه خالد الصاوي*
seth rollins
22:18 - 2016/10/10  
 
Nightmare Mostafa
22:20 - 2016/10/10  
   
Cm punk
16:48 - 2016/10/11  
نزلت حلقتين ويستورلد و هابدأ اشوفهم

ناس بتقول حاجه خرافيه و ناس بتقول عادي

انا هاخش على انه مسلسل عادي زي ما كنت متوقع من قبل ما يبدأ عشان متصدمش  


المشكله ف الاراء دي ايه
واحد شاف الحلقه العاديه بس لقي حد تاني بيقول ايه الاعجاز ده ف يحس انه مفهمش الحلقه كويس ف يقول ايييه الحلااااوه دي مع انه شايفها عاديه  


يعني انا المفروض دلوقتي هاشوف افضل بايلوت ف اخر عشر سنين على حسب رأي ناقد  
اما نشوف  
seth rollins
16:59 - 2016/10/11  
الاكيد انها مش عادية

هو هيبقي مسلسل مميز وممكن يوصل ويبقي خرافي زى بريكنج باد و GOT
Cm punk
01:34 - 2016/10/12  
خلصت الحلقه الاولي كويسه بس مش الافضل ف اخر عشر سنين ولا حاجه  
اخر تلت ساعه من الحلقه كانت حلوه خصوصا اداء ابو البت عجبني
شكل المسلسل هيبقي رتمه بطيء ف الاول

الموسيقي التصويريه احلي حاجه فيه

نقول 7.5/10
deco2016ahlawy
09:03 - 2016/10/13  
Cm punk
ماهو مينفعش نحكم من اول حلقة معظم الحلقات في البداية هتكون بناء درامي وشخصيات بس
لو المسلسل دخل سخن علي طول هيقلب جو مسلسلات فوكس ودي سي المملة
للعلم اول حلقه من جيم اوف ثرونز شفتها في وقتها وكان في ناس كتير مش متوقعة انه هيبقي قنبلة
seth rollins
09:08 - 2016/10/13  
deco2016ahlawy
+222222222222222
Cm punk
10:50 - 2016/10/13  
لا انا كلامي تعقيب على ردود الفعل بتاعت النقاد اللي نزل ع الحلقه الاولي

طب انت بتحكم على انه هيبقي قنبله ازاي مادام الحلقه الاولي مش بتبين  
هو عامه اغلب المواقع التقييمات بتاعته فيها نزلت عن الاول ف ميتاكريتيك كان باديء حاجه و تمانين دلوقتي نزل ل 73



deco2016ahlawy
10:56 - 2016/10/13  
بالظبط مينفعش تحكم علي حاجة من اولها ما دايما قفص الطماطم من فوق جامد ومن تحت ممكن يطلع مفقع عادي
علي الاقل الموسم الاول يخلص ونبتدي نحكم
انا شايفه فكرة ممتازة بس عايز اعرفه هيكملوها ازاي
deco2016ahlawy
10:57 - 2016/10/13  
ميتا كريتك متثقفش في ارائهم اوي في المسلسلات اي كلام
واحيانا الافلام كمان
ميتا كريتك ارائهم اللي ممكن تثق فيها هي في الالعاب
deco2016ahlawy
10:58 - 2016/10/13  
بتشوفوا ايه كوميدي؟
Cm punk
11:06 - 2016/10/13  
انا باشوفه كويس يعني سواء كلام نقاد او ناس عاديه انا باقرا الردود الايجابيه و السلبيه و باقتنع بالقريب مني


ما هو انا مشكلتي ان الفكره نفسها حاسس انها متصلحش تبقي مسلسل عظيم  
هيجيبو منين افكار عشان يملو مواسم الا لو قررو يزودو ف حاجات تانيه و قصص تانيه بره الواقع ده و يربطوهم ببعض
انا لسه مشوفتش الحلقه التانيه هاشوفها بليل النهارده

-----

انا مكنتش باطيق حاجه اسمها كوميديا و باخاف افتح اي مسلسل يقفلني و مبحبوش تقريبا شوفت بتاع عشرين حلقه متفرقه من فريندس و HIMYM كانت حاجات بتعجبني و حاجات ممله

بس تشجعت و قولت هابدأ ساينفيلد اول حاجه اخد كل المواسم ورا بعض مع المسلسلات الدراما الباقيه
انا ف اخر حلقتين من الموسم التالت
المسلسل ده دخل التوب 5 بالنسبه لي  
deco2016ahlawy
11:28 - 2016/10/13  
Cm punk
لحد دلوقتي المسلسل اخره موسمين
بس جونثان مبتكر ممكن يقدر يغير مسار القصة لحاجة غير متوقعة
deco2016ahlawy
11:29 - 2016/10/13  
طب كويس والله انا كنت محتاج حد يشجعني ابدا ساينفيلد
هبدأه في اقرب وقت واقولك رأي
Cm punk
11:35 - 2016/10/13  
لا حلو جدا و المستوي بيعلي فيه جامد بمرور الحلقات

الموسم التالت فيه حلقات كنت باصدع من الضحك  

بس ماشي فيه براحه كل يوم او اتنين حلقه تقريبا عشان هاتضايق جامد لما يخلص الصراحه
seth rollins
11:41 - 2016/10/13  
حد يرشح كدة كم مسلسل درامي مميز بعيداً عن الخيال او الاكشن
deco2016ahlawy
11:47 - 2016/10/13  
Band of brothers
The Sopranos
Six feet under
Rome
The Wire
House M.D
seth rollins
11:56 - 2016/10/13  
ما شاء الله يعني ولا تابعت ولا واحد فيهم  
هو معظمهم فية بردو جريمة واكشن
لكن هبدأ ادور عليهم تورنت واحملهم
لو متابع دراما جديدة لسة عرضها شغال قولى عليها بردو
   █◄ جَنـَاحُ GAMES-MOVIES-SERIES »العـ 8 |ـدد Entertainment corner   عرض جميع المشاركات بالكامل تصغير عرض جميع المشاركات

طباعة
التواقيع
حجم الصفحة:
الصفحة :
إذهب إلى منتدى:
كورة اهلاوية

~ حكمة اليوم ~ ~ ~ 0.39 ثانية ~
~ XML Sitemap ~ HTML Sitemap ~ URL List ~
كورة اهلاوية
http://kora-ahlawya.com
  © DuHok Forum Team 2016
 هذا الموقع يستخدم برنامج
DuHok Forum 2.1

© DuHok Forum Team 2015