كورة اهلاوية - █◄ جَنـَاحُ GAMES-MOVIES-SERIES »العـ 8 |ـدد Entertainment corner


موقع كورة اهلاويه


طباعة
التواقيع
حجم الصفحة:
الصفحة :
إذهب إلى منتدى:
ارشيف الصحف
   █◄ جَنـَاحُ GAMES-MOVIES-SERIES »العـ 8 |ـدد Entertainment corner   عرض جميع المشاركات بالكامل تصغير عرض جميع المشاركات
Dahabolla عضوية موثقة
13:31 - 2016/10/05  
ديكو
-
اه بتحصل عادي  
نزلت اول حلقتين لقيت شخصيات كتير في وشي كده من اول حلقة و احداث تاريخية
فأتبضنت و مكملتش :S
ممكن اكون مديتهوش فرصته بس مهتمتش الحقيقة بعد كده ان ارجع اكمله تاني
Cm punk
13:53 - 2016/10/05  
ذا سيم هير
deco2016ahlawy
14:00 - 2016/10/05  
لا احا ياجدعان يو جات بروبلمز فشخ  
مفيش اي حاجة تنافس ثرونز حاليا ولا توصل لي نص مستواه اصلا يمكن بريكنج باد بس اللي يتحط في نفس التصنيف
اول حلقتين طبيعي متلحقش تلم اي حاجة يا دهبولا انا لحد الحلقة السادسة كان واقع مني حاجات كتير
مينفعش بجد والله فايتكم كتير فشخ
المسلسل عاجب العالم كله ومش عاجبكم
روشين فشخ 
deco2016ahlawy
14:03 - 2016/10/05  
انا المسلسل اللي فعلا مبحبوش ومش فاهم عاجب الناس علي ايه بريزون بريك
معجبنيش فيه الا الموسم الاول بس الباقي عك وخرا احداث لمجرد الاثارة مش اكتر واغلبها احداث مش منطقية اصلا
يعني شخصية مايكل مطلعينه اكنه جينيس زمانه وعنده لكل خازوق خرم وزودوا الطين بله في الموسم الاخير بنهايتين اسوء من بعض ولو اني بفضل النهاية الاولي
بس مكتفوش بكدة طلعوه عايش كمان وهيعملو موسم جديد مفيش عكك كدة والله 
deco2016ahlawy
14:05 - 2016/10/05  
علي النقيض تماما جيم اوف ثرونز احداثه كلها فنتازيا بس بيجبرك انك تحترمها بل وتصدق العالم اللي هو بيقدمهولك وتبتدي تشارك وجهات نظرك وتوقعاتك مع الناس عشان كدة المسلسل حاليا التوب والروايات هي الاكثر مبيعا
المشكله ان جورج ار مارتن معدي السبعين ولسه في كتابين مخلصهمش وشكله هيخلع قبل ميخلص كتابة
fcb arrow
14:06 - 2016/10/05  
دهبو + بانك

على فكرة انا نفس اللى حصل معايا
اول ما نزل المسلسل حملت 3 حلقات و اتخنقت منه و قولت ليه معمول له ضجة كبيرة !!

بعديها ب 3 سنين كان خلص منه 4 مواسم وكنت فاضى ومش لاقى اى مسلسل حلو اتفرج عليه قولت اديله فرصة تانيه مش معقول العالم كله بيتفرج على حاجه وحشه !
خلصت السيزون الاول كامل فى يوم واحد من باليل للصبح

بالنسبالى هو الأعظم فى التاريخ بدون مقارنة مع اى مسلسل تانى
deco2016ahlawy
14:07 - 2016/10/05  
حد شايف Legends of tomorrow ؟ عشان خايف ابدا ويطلع فاكس
Dahabolla عضوية موثقة
14:08 - 2016/10/05  
طب قبل كده و ضم على أخوك كويس عشان نشوط في اي حد يفكر يتريق علينا
Dahabolla عضوية موثقة
14:13 - 2016/10/05  
deco2016ahlawy
طب شوفت بقى
انا زيك كده بالنسبالي اللي يقول نص كلمة على بريزن بياخد مني ما لذ و طاب من المصطلحات المختلفة
و اهو نفس الفكرة مسلسل متصنف من الحاجات الأسطورية و كل الناس بتتكلم عليه يعني مش منطقي حد يقول عليه اي كلام
هل ان تكده برضه روش فشخ زينا ؟ 
Dahabolla عضوية موثقة
14:15 - 2016/10/05  
fcb arrow
انا معاك بس برضه كل بني ادم ليه اتجاهاته
يعني فكرة الفانتازيا اللي بيتكلم عليها ديكو انا مبتشدنيش كمبدأ بغض النظر عن حلاوة المسلسل من عدمه فلو انت كمسلسل متشقلبتش من اول حلقة عشان تعجبني مش هصبر عليك كتير  
و مع ذلك انا معترف اني مديتهوش فرصته برضه
fcb arrow
14:21 - 2016/10/05  
دهبو

هى فى الاول و الآخر اذواق طبعا
انا فيه مسلسلات بتفرج عليها و عارف ان المسلسل عادى بس بتفرج عشان حاجه معينه القصه مثلا او اجواء المسلسل عاجبانى

على النقيض مثلا انا بكره اجواء المسلسلات اللى بتتكلم عن فترة التسعينات و التمانينات دى حتى لو المسلسل حلو مش بعرف استمتع بيه وده يمكن اللى خلانى ما احبش ناركوز
Dahabolla عضوية موثقة
14:24 - 2016/10/05  
بالظبط
هي ملهاش علاقة بالمسلسل نفسه
قد ما هي طالما بتتفرج على حاجة و انت قافل منها والله لو اتشقلبوا قدامك و عملوا عجين الفلاحة مش هتدي لنفسك فرصة تتبسط برضه
Cm punk
14:55 - 2016/10/05  
لا متقلقش فيه جيش معانا هنا يا دهبولا مش لوحدنا  

هم اول حلقتين شوفتهم الجو العام مش عاجبني مع اني باحب اجواء الحروب و التاريخ بس لقيت عادي يعني ايوه ماله ايه العظيم فيه

مقارنته ب حاجه زي بريكنج باد باشوفها كارثه اصلا

hbo بتعرف تعمل الضجه حوالين اي مسلسل ليها
لو هو مسلسل حلو او كويس جدا هتقنعك انه اسطوري و مفيش زيه زي ويست ورلد اللي لسه مشوفتوش بس متأكد ان الضجه عليه من الترويج بس

كمان المسلسل لو حسبنا كميه العري اللي فيه ف كل موسم تقريبا ساعه من عشر حلقات
ده رقم كارثي ف مسلسل ناس بتقول عليه اعظم ف التاريخ

طبعا هيتقال كل المسلسلات كده لا مش كلها كده



هابقي اتفرج عليه عامه ممكن بعد ما يخلص خالص
Cm punk
14:57 - 2016/10/05  
انا عكس ارو

باحب جدا الافلام و المسلسلات اللي بتدور احداثها ف القرن العشرين عامه
deco2016ahlawy
15:03 - 2016/10/05  
طيب بجد والله يا دهبو ايه اللي عاجبك في بريزون بريك باستثناء الموسم الاول؟ 
مايكل بيهرب
بيهرب كتير فشخ
بيهرب كتير اوي
بيخش سجن بيهرب
بعدين بيقابل اشرار وحشين
بيهرب منهم
سارة بتخش السجن بيهربها بيموت
بيطلع مماتش وموجود في سجن جديد
المفاجاه انه هيهرب برضو
مجرد المقارنة بين الاتنين مسخرة والله يعني مسلسل مفيهوش اي حاجة وفاضي ونفس الفكرة عمال بتصيغها بطرق مختلفه وممله
ومسلسل تاني مليان حوارات وقصص درامية قوية والفنتازيا مش هي الاساس بس بتجبرك تحترمها حتي الفصص الفرعية ممتعة جدا

يعني انا بنسبالي والله بدون مبالغة بريزون بريك دة ساينس فيكشن من الموسم التاني
deco2016ahlawy
15:06 - 2016/10/05  
fcb arrow
بالظبط والله كان في مسلسل ويسترن اسمه ديدوود قالولي الافضل في التاريخ
الحلقات مش بتمشي ياجدعان وربنا بيبقي معدي 5 دقايق بعد نص ساعة ببص بلاقيه عدي دقيقتين بس
مسلسل بطيء فشخ ودراما تقيلة جدا علي القلب
Dahabolla عضوية موثقة
15:08 - 2016/10/05  
ما يهرب يا جدع انت ايه اللي مزعلك
أما أمرك غريب جدا  
طالما بيهرب بما يرضي الله من غير خيال علمي خلاص
المهم اللي مخلي بريزن كده هو الأحداث المتسارعة بشكل قوي جدا غير كمية العاطفة اللي بتجذب تعاطفك مع الشخصيات كلها
فاللي مستغربه ان يبقى أساس انه مش عاجبك يكون ان مسلسل مش واقعي !!
مع ان دي هي اكتر حاجة بتميز المسلسل
+
ده غير انبهارك بذكاء سكوفيلد و الحيل اللي دايما بيفكر فيها ده لوحده سبب كافي ان ياخد حيز كبير جدا من اعجاب الناس بالمسلسل 
deco2016ahlawy
15:39 - 2016/10/05  
اوكيه يهرب عادي انا مش زعلان بس علي الاقل تحسسني اني بني ادم عاقل قاعد بتفرج قدامك مش رايح بتفرج علي كارتون او انمي اي حاجة فيه ممكنة يمكن الانمي بيبقي اكثر واقعية في بعض الاحيان
ايه الواقعية في المسلسل يا دهبولا طيب مش فاهم بجد والله؟
انا فاكر كويس ان كان في مقابلة وقت عرض المسلسل اغلب الظن الموسم الرابع او التالت حاجة كدة
وينتورث ميلر قال بالحرف ان المسلسل فنتازيا بشكل كبير والاحسن انك متتعاملش معاه انه واقعي وتستمتع بيه كدة

  انا شايف واحد بيجري طول المسلسل وخلاص بحبكات ساذجة
من اول تورط مايكل في سجنن سونا بسبب جريمة سارة مرورا بتورط سارة في قضية قتل امه دة ناهيك عن الاحداث في الوسط الخاصة بكل شخصية يعني مفهمتش ايه لزمه قصة سيلا دي من اولها لأخرها غير انهم عايزين ياخدو منعطف حكومي اكثر تعقيدا وخلاص ومايكل خلاص هو اكبر مشاكل العالم الشخصيات بتخرج وترجع بدون اي مبرر درامي
الموسم الثالث مثلا كان مقرف من اوله لاخره مكنش ليه اي لزمه حتي الشخصيات مش مكتوبة بالعمق اللي انت بتقول عليه دة باستثناء ماهون و تي باج دي الشخصيات اللي حسيتها فعلا متعوب فيها كتابيا الباقي محستش باي عاطفة ناحيتهم
انا ممكن افعلا ادي الموسم الاول العلامة الكاملة لانه فعلا كان متكامل من كل النواحي باستثناء التمثيل اللي مكنش بيعجبني احيانا
بس كانت القصة ممتعة والاحداث متسارعة من غير حشو
بداية من الموسم التاني الكيرف بقي في النازل لدرجة بشعة من الاخر كان ممكن يخلص في موسمين بالكتير لكن هما قرروا يخلوه مسلسل طويل عشان يكسبو من وراه اكبر عائد ممكن
يعني انا فاكر لما كنت بشوفه لايف كان الكريتورز بيقولو انه هيستمر لحد 9 مواسم مكنتش مستوعب والله 9 مواسم هيعملو ايه؟؟! بمجرد ما اكتشفو ان نسب المشاهدة بتقل بصورة رهيبة قرروا ينهوه في الرابع قبل ما المسلسل يبقي كارثة
 

لو بيشدك العواطف والشخصيات المترابطة والواقعية اتفرج علي The Wire, Breaking Bad, Mad Men, The Sopranos هتعرف ان بريزون بريك صفر والله
City Lights
15:41 - 2016/10/05  
هو المسلسل اسمه الهروب من السجن يعني فكرته الرئيسية الدخول للسجون و الهروب منها

مش فاهم ايه وجه الانتقاد في النقطة دي

المسلسل ما ادعاش في اي لحظة انه أعمق و أكتر فلسفة لمسلسل في التاريخ

لكنه مسلسل ممتع جدااا و مكتوب كويس جدااا و أداء الممثلين هايل غير ان رتمه و أحداثة و افكاره متسارعة بشكل رهيب

انا شفته من 4 سنين بس مش فاكر اي احداث غير منطقية او ثغرات في بناؤه الاساسي

زي ما قلت هنا قبل كده فيه فرق بين الواقعية و المنطقية .. الواقعية مش مطلبة بالضرورة في اي عمل فني حتي اكتر الاعمال واقعية ما بتبقاش 100 % واقعية

المطلوب هو المنطقية و هلي المسلسل التزم بالمعايير اللي حطها لنفسه حسب نوعه سواء دراما و لا فانتازياا و لا كوميدي ؟؟ يعني مسلسل زي ده هو بيهرب من السجن لو عملوا االهرب واحد لقي الحراس نايمين ففتح االباب و مشي يبقي مش منطقي انما لو معمولة و منطقية صح خلاص ..
City Lights
15:45 - 2016/10/05  
بالمناسبة انا من حزب اللي شافوا ثرونز اول حلقتين و قفلوا منه  

بس دي حاجة بتحصل معايا كتير ف ما تقللش من المسلسل و طبعا حلقتين ما يتحكمش منهم علي مسلسل حتي لو 10 حلقات

ف غالبا لما يخلص هحاول اشوفه كامل

و ان كان الصراحة الضجة االلي حواليه و تحس انه مسلسل 7 و نص بتاع القناة الاولي زمان قافلاني منه .. الواحد يحب يتفرج علي رواقه كده  
deco2016ahlawy
15:51 - 2016/10/05  
City Lights
عدم المنطقية اللي بقصدها يا سيتي في التكرار الفكرة من الاخر فضلت تتهرس هي هي طول حلقات المسلسل وطول المواسم اللي بعد كدة عشان كدة انا قولت ان الموسم الاول كان من ضمن احسن الحاجات اللي شفتها عكس باقي المسلسل
اه كان في ثغرات كتير انا معرفش انت شفته في اي فترة عمرية لاني شفت المسلسل مرتين مرة وانا صغير ومرة من سنة
فلو قررت تعمل ريوتش للمسلسل قبل بداية الموسم الخامس ركز
او متركزش والله هتاخد بالك من حاجات قمة في السذاجة والكروتة
مش معني ان المسلسل اسمه الهروب من السجن ان مطلوب مني والله اقعد اتفرج 4 مواسم علي واحد بيخش كل سجون العالم وبيهرب منها اكنه داخل دريم بارك وخارج منها عادي  عشان كدة زي ماقلت المسلسل كان اخره موسمين بالكتير
وهتفق اكتر مع رأي بطل المسلسل ان المسلسل فنتازيا
ELMEDICO
15:53 - 2016/10/05  
Game OF Thrones
مسلسل ممتاز جدا كأحداث وقصة المخرج عبقرى والسيناريست برنس
عيبه الوحيد فى مشاهد الجنس والدم المبالغ فيها بطريقة مقرفة
لكن الأحداث والشخصيات ممتازة ومتنوعة
-------
شوفت حلقة واحدة من مسلسل westworld
ماعجبتنيش فكرته على الرغم من الممثلين الكبار اللى فيه وعلى رأسهم أنتونى هوبكنز وإد هاريس
-------
شوفت مسلسل The last kingdom
كويس ويتشاف لكن السيناريست مش أد كده كان ممكن المسلسل يبقى أفضل من كده بكتير
-----
حاليا مابين مسلسلين
Outlander
Mr. Robot
وعمال بدور على ترجمة إنجليزى لمسلس قيامة أرطغرول التركى
مسلسل شكله ممتاز ومن العينة اللى بحبها و موجود ترجمة عربى لكن ترجمة إنجليزى أو أى حاجة تانية مش لاقى لو حد عنده ترجمة ليه ياريت

-----
الأفلام بقى ماشوفتش فيلم عدل الفترة الأخيرة غير يمكن طرازان اللى أهه شغال شوية
deco2016ahlawy
15:58 - 2016/10/05  
Outlander
Mr. Robot

الاول عجبني جدا في موسمه الاول بس مكملتش مستنيه يخلص خصوصا اني مشغول بحاجات تانيه
التاني بصراحة دخل قايمة مسلسلاتي المفضلة بيعجبني ستايل المسلسل وشخصياته وطريقه السرد والحوار
بل والحوار بين اليوت ونفسه
الموسم التاني ممتاز جدا ومليان مفاجات وانصحك بيه مسلسل هيبقي ليه شأن كبير لو فضل كدة
deco2016ahlawy
16:01 - 2016/10/05  
الافلام للاسف 2016 مفيهاش اعمال تقيلة لحد دلوقتي اغلبها افلام تجارية وخلاص
يعني الافلام اللي عجبتني السنادي تتلخص في
Swiss army man
10 cloverfield lane
sing street
hunt for the wilderpeople
cafe society
imperium
The BFG
Deadpool
City Lights
16:04 - 2016/10/05  
المسلسل اصلا 60 حلقة افتكر يعني مش مسلسل طويل جدا يعني مناسب جدا لكمية احداثه من غير مط و لا تطويل

بالنسبالي وقت ما شفته ما جاليش انطباع ان الاحداث مكررة و مهروسة خالص

رغم انه كان أول مسلسل اجنبي اشوفه كامل يمكن ده خلاني ارتبط بيه اكتر بس الاساس اني كنت مبسوط و راضي جدا عنه

يمكن اللي افتكر انه كان مبالغ فيه حاجات في الموسم الرابع لما اكتشف ان اخوه مش اخوه و امه و ابوه ظهروا

انما بناء المسلسل الرئيسي بتاع الهروب و المطاردات و العداوات كانت معمولة بشكل رائع

هي اراء عموما محدش هيقنع حد بحاجة مش حاببها

حتي بطل المسلسل نفسه يقول اللي يقوله .. ده مش المؤلف و لا المخرج يعني هو مسئول عن دوره بس مش هو ال creator يعني

بالاضافة ان دي سلعة اتعرضت من حقنا نقول رأينا و تقييمنا ليه بغض النظر البياع تقييمه ليها ايه .. افتكر فيه اعمال كتير صناعها بيبقوا مش حابينها و الجمهور بيحبها جداا بعد كده
deco2016ahlawy
16:10 - 2016/10/05  
بالاضافة ان دي سلعة اتعرضت من حقنا نقول رأينا و تقييمنا ليه بغض النظر البياع تقييمه ليها ايه .. افتكر فيه اعمال كتير صناعها بيبقوا مش حابينها و الجمهور بيحبها جداا بعد كده

انا متفق معاك فشخ في النقطة دي عاش
deco2016ahlawy
16:11 - 2016/10/05  
المونتاج من احلي مشاهد سويس ارمي مان
https://www.youtube.com/watch?v=FuefDGNu1vc
deco2016ahlawy
16:12 - 2016/10/05  
حد هنا شايف هاوس؟
City Lights
16:17 - 2016/10/05  
آه شفته كامل يا ديكو

من افشخ الحاجات اللي شفتها في حياتي  
deco2016ahlawy
16:22 - 2016/10/05  
City Lights
اهو دي مثلا الشخصية اللي يتقال عليها حيل وذكاء مش عارف لو شافوها ممكن يغموا عليها مثلا
من افشخ امتع الحاجات اللي فعلا شفتها في حياتي واللي مظلومة جدا ومش واخده حقها والناس حصراه في شوية كوتس مضحكة وبائسة مع انه اكبر من كدة


بالمناسبة في مسلسل اسمه orange is the new black الاكثر مشاهدة علي نيتفليكس انا كنت خايف اشوفه لانه بيدور في سجن بس بعد ما خلصته بصراحة مسلسل هايل ويتقال عليه واقعي فعلا
   █◄ جَنـَاحُ GAMES-MOVIES-SERIES »العـ 8 |ـدد Entertainment corner   عرض جميع المشاركات بالكامل تصغير عرض جميع المشاركات

طباعة
التواقيع
حجم الصفحة:
الصفحة :
إذهب إلى منتدى:
ارشيف الصحف

~ حكمة اليوم ~ ~ ~ 0.19 ثانية ~
~ XML Sitemap ~ HTML Sitemap ~ URL List ~
كورة اهلاوية
http://kora-ahlawya.com
  © DuHok Forum Team 2016
 هذا الموقع يستخدم برنامج
DuHok Forum 2.1

© DuHok Forum Team 2015