كورة اهلاوية - || مـQـهى كوره اهلاوية (44) || المرء بالأخلاق يسمو ذكره .



طباعة
التواقيع
حجم الصفحة:
الصفحة :
إذهب إلى منتدى:
كورة اهلاوية
  || مـQـهى كوره اهلاوية (44) || المرء بالأخلاق يسمو ذكره .   عرض جميع المشاركات بالكامل تصغير عرض جميع المشاركات
abo forat عضوية موثقة
14:41 - 03/14  
بسم الله الرحمن الرحيم

Google
14:41 - 03/14


David villa 14
13:58 - 03/15  
اللى بيحصل دلوقتى نفس اللى بيحصل فى مصر بس على نطاق اوسع
ناس بتتخانق عشان توصف الحادث بالارهاب
وناس تانيه فرحانه باللى حصل ومبقوش يفرقوا عن الحيوانات في شيء
ومفيش حد خسران غير الناس اللى ماتت وفقدت حياتها
عشان مخبول مش عاجبه انه يعيش مع ناس على غير دينه
انا بجد والله كرهت نفسى وكرهت الزمن اللى عايشينه ده
الموت بقى سهل ومش بيهز حد كل ردود الفعل بعيده عن الأسباب الحقيقيه
للماسى والجرائم اللى بتحصل
احنا فعليا عايشين فى اسوء عصر فى تاريخ الكوكب
حتى لو مر زمن قديما كان فيه القتل اكتر
بس مكنش فى انترنت يوصل الجرايم والمدابح اللى بتحصل لكل الناس
احمد صلاح الاهلاوى عضوية موثقة
14:01 - 03/15  
العالم الاسلامي في غيبوبة
تنتفض الانظمه العربية والاسلامية في اي حادث يمس الغرب حتي لو تفجير ملهي ليلي وعند عمليه ارهابيه قذرة تستهتدف المصلين وفي المسجد لا نسمع لهم صوت ولا حتي تصريح بابا الفاتيكان وملكة انجلترا وترامب واوردغان الغرب ادانوا الحادث الارهابي البشع ونحن في غيبوبه لان نتكلم الا عن الارهاب الاسلامي
حسبنا الله ونعم الوكيل اللهم اقتص من الحكام الخانعين والذين يستبيحوا الدماء
+
حصلت حادثه زي ديه في العريش تقريبا استهداف مصلين في مصر وكان شيئا لم يكن جثث اتشالت بالجرافات ماكيت لمسجد اثناء تنفيذ عرض عسكري امام السيسي وغيره من التصريحات اللي بتنال الاسلام والمسلمين ربنا ينتقم منهم جميعا اللهم انزل عليهم غضبك و**طك ونقمتك
احمد صلاح الاهلاوى عضوية موثقة
14:02 - 03/15  
والله اللي بيموت بيستريح ونحسبه شهيد ارحم له من العيشه وسط القذارة ديه
اللهم اخرجنا من القرية الظالم اهلها
احمد صلاح الاهلاوى عضوية موثقة
14:04 - 03/15  
ده كمان دخل المسجد واللي بيتحرك كمل عليه بالنار
husseinessam92
14:13 - 03/15  
الفيديو بشع جدا
دا ناس ميتة بيضرب فيهم عشان يتأكد
حسبنا الله ونعم الوكيل


احمد صلاح الاهلاوى عضوية موثقة
14:17 - 03/15  
عن أبي عبد السلام، عن ثوبان، قال قال رسول الله صلى الله عليه وسلم: «يوشك الأمم أن تداعى عليكم كما تداعى الأكلة إلى قصعتها»، فقال قائل: ومِن قلة نحن يومئذ؟ قال: «بل أنتم يومئذٍ كثير، ولكنكم غثاء كغثاء السيل، ولينزعن الله من صدور عدوكم المهابة منكم، وليقذفن في قلوبكم الوهن»، فقال قائل: يا رسول الله وما الوهن ؟ قال: «حب الدنيا، وكراهية الموت». أخرجه أبو داود في سننه (2/ 10 2)، والروياني في مسنده (ج 25/ 134/ 2)

Egyptian Eagle
14:23 - 03/15  
لا حول ولاقوة الا بالله

الكلب دا لازم يتعرف من وراه ويتفضح
مستحيل دى تكون عملية فردية

فاكرين المسجد اللى انضرب فى سينا بنفس الطريقة فى صلاة الجمعة
والموضوع عدى من غير تحقيقات ولا اى نيلة
احمد صلاح الاهلاوى عضوية موثقة
14:26 - 03/15  
والله الواحد لا قادر يتكلم ولا يشوف حاجه
حسبنا الله ونعم الوكيل
اللهم نسالك القصاص فنحن لا حول ولا قوة لنا الا بك ضعفت قوتنا وقلت حيلتنا وزاد هواننا علي الناس
no matter what
14:38 - 03/15  
الحق أن الأمور كانت تزداد سوءاً لدرجة أن الناس كانوا يجدون خطراً في الصلاة في المسجد، وكان ضرورياً وقت صلاة الجماعة أن يقف البعض خارج المسجد يراقبون، تحسباً لهجمة غادرة أو زجاجة مولوتوف تلقى على المصليين. تمكنوا ذات مرة من القبض على متعصب يحمل بندقية آلية ويتجه للمسجد أثناء صلاة الجماعة، وقد سدد أحد الشباب قطعة طوب محكمة لرأسه من الخلف فسقط فاقداً الوعي قبل أن يحقق مذبحته

#أحمد_خالد_توفيق - شآبيب
Ahmed Ahlawy 91
16:55 - 03/15  
للاسف استهداف ممنهج للمسيحيين في الوطن العربي

ودلوقتي المتعصبين البيض مش هيسكتو كتير
احمد صلاح الاهلاوى عضوية موثقة
16:56 - 03/15  

السيسي كان في توشكي فمش فاضي يدين الحادث طبعا شايف نفسه واقف بين اهله النخل

husseinessam92
17:02 - 03/15  
   إقتباس لمشاركة:  Ahmed Ahlawy 91  16:55:54 - 2019/03/15
للاسف استهداف ممنهج للمسيحيين في الوطن العربي

ودلوقتي المتعصبين البيض مش هيسكتو كتير

 في الوطن العربي بيموت من الارهاب مسلمين اكتر من المسيحيين 

نيوزيلاندا عمرها ما حصل فيها حاجة من المسلمين اصلا عشان يبقى فيه تبرير للجريمة والارهاب الي حصل انهاردة 

khalid24 عضوية موثقة
17:05 - 03/15  
لاحول ولا قوة الا بالله
نحسبهم عندالله شهداء
وربنا يرحمهم برحمة و بغفر لهم .

القاتل ليس له دين فهو فى الاول والاخر قاتل يتبع هواه
EZAKI
17:08 - 03/15  
   إقتباس لمشاركة:  احمد صلاح الاهلاوى  16:56:46 - 2019/03/15

السيسي كان في توشكي فمش فاضي يدين الحادث طبعا شايف نفسه واقف بين اهله النخل


فخامته في لحضة صلح مع النفس بس العسكري اللي واقف هناك مخسر المشهد الدرامي 
David villa 14
17:36 - 03/15  
عشان نبقى على نور
الغرب بيكرهوا المسلمين والعرب
ومن قديم الازل وهما بيدبحوا فينا
وبسبب او بدون سبب كنا هنلاقى مدابح للمسلمين زى النهارده
الفرق الوحيد بس ان جرايمهم مش مرتبطه بعقيده
على الاقل فى الوقت الحالى
عندهم ارهابيين زينا بالظبط واكتر بس مفيش حد بيمسك
انجيل او توراه ويقول باسم الصليب ويدبح فى الناس او يفجر نفسه
مشكلتنا احنا بقى كمسلمين ان بعض الحالات الارهابيه ان مكنش اغلبها
مقترن بفهم خاطىء للعقيده والارهابى بيفحر نفسه عشان مقتنع ان ده واجب عليه
مش هتلاقى ارهايى بيفحر كنيسه مثلا عشان ياخد حق مسلمين بورما
البى بيعمل كده بيكون مقتنع ان الجهاد واحب وقتل النصرانى فضيله
عشان مشرك بالله وبينشروا الفساد
على سبيل المثال وليس الحصر الراجل اللى دبح مسيحى عشان بيبيع خمره
او اتوبيس السياح اللى بيتفشخ كل سنه
عشان اللى فيه نساء بتنشر الرذيلة وبتثير الفتن
انا عارف انى قلت الكلام ده هنا كتير ومحدش عجبه الكلام
واخر مره ناس بحترمها غلطت فيا
بس مش مهم طول م انا عايش مش هخاف من رد فعل على حقيقه بقولها

Secret window
17:55 - 03/15  
David villa 14

هو المهم عندك الشو و مش مهم المضمون

يعني عشان ممسكش الصليب يبقي مش مهم المضمون

معلش اسألك سؤال .. تفتكر ليه اللي قتل ده عمل كده ؟
منتظر منك اجابة

احنا شاطرين نقول علي نفسنا عندنا خلل في عقيدة المسلمين .. انما الغرب القتل يكون لسبب تاني

سواء من هنا او هنا .. مفيش دين بيقولك اقتل دون وجه حق

و يا ريت محدش يفهم غلط .. اللي بيقتل ده لا هو مسيحي و لا مسلم و لا ليه اي ديانة
Secret window
17:58 - 03/15  
اللي بيقتل ده لا يمثل الا نفسه و لا يمثل الا فهمه الغلط لعقيدته


اللي يمثل عقيدته هو اللي فاهمها صح
husseinessam92
18:00 - 03/15  
فيا
كلامك غلط في غلط ويتعرض جزء من الحقيقة عشان تطلع المسلمين غلط زي الإعلام الغربي الي بيغسل دماغ الناس
النهاردة القاتل ارهابي يميني متطرف حسب تصريح رئيس وزراء أستراليا
‏فيه سوابق لليمين المتطرف قبل كدا في كندا والنرويج
الغريب أن كل الدول دي عمر ما حصل فيها اي عمل ارهابي واحد من مسلمين

husseinessam92
18:02 - 03/15  
AJA log البث الحي
الأخبار سياسة
ماذا كتب منفذ مجزرة نيوزيلندا على أسلحته؟
قبل 4 ساعات
منفذ الهجوم كتب عبارات ذات دلالة تاريخية على الأسلحة التي ارتكب بها جريمته (مواقع التواصل)
منفذ الهجوم كتب عبارات ذات دلالة تاريخية على الأسلحة التي ارتكب بها جريمته (مواقع التواصل)

تشير العبارات التي كتبها منفذ مجزرة مسجد النور في نيوزيلندا إلى حقد دفين، وكراهية متجذرة، وعنصرية واضحة لدى برينتون تارانت مرتكب المجزرة، الذي زعم أنه قام بها انتقاما لعمليات إرهابية وقعت في أوروبا، ولآلاف الضحايا الذين سقطوا بسبب "الغزو الإسلامي".

ومن بين العبارات التي كتبها على سلاحه "التركي الفجّ 1683 فيينا"؛ في إشارة إلى معركة فيينا التي خسرتها الدولة العثمانية ومثلت نهاية توسعها في أوروبا.

كما كتب على أحد الأسلحة "وقف تقدم الأمويين الأندلسيين في أوروبا"؛ في إشارة إلى الفتح الإسلامي للأندلس، وتأسيس إمارة إسلامية فيها على يد عبد الرحمن بن معاوية (الداخل) عام 756م.

أيضا شملت العبارات التي كتبها برينتون على الأسلحة "اللاجئون.. أهلا بكم في الجحيم"؛ تعبيرا عن رفضه ومعاداته للمهاجرين، الذين اعتبرهم غزاة يحاولون استبدال شعوب أوروبا.
احمد صلاح الاهلاوى عضوية موثقة
18:04 - 03/15  
رسالة قاتل المصلين في نيوزيلندا إلى تركيا والدولة العثمانية قائلا سنقتل كل المسلمين علي الاراضي الاوروبيه وسنحرر تركيا من الاذان من اجل المسيح
David villa 14
18:07 - 03/15  
انا واخد قرار مش هعيد كلام قلته
مع احترامي للجميع
سيكريت وحسين ردى عليكوا قلته فى الرد بتاعى
ومش عاوز حد يقتنع بيه
husseinessam92
18:14 - 03/15  
ماشي انت قولت كلامك واحنا نقول كلامنا
القاتل النهاردة عنده عقيدة وجريمته مخططة وفيه ناس مشتركة معاه ولما نزل اللايف كان فيه تعليقات كتير بتشجعه من أصحابه الي عندهم نفس العقيدة

احمد صلاح الاهلاوى عضوية موثقة
18:21 - 03/15  

الوصف ده رهييييييب من الدكتور احمد عكاشه لمتلازمة السلطه


David villa 14
18:24 - 03/15  
كلامك على راسى يا حسين انت وغيرك واى حد معجبهوش الكلام
ونفسى تكون انت الصح وانا الغلط كمان
ومش قصدى بالعقيده ان يكون صاحب مبدا واتجاه معين
قصدى المعنى الاقرب والاوضح العقيده الدينيه
وحاشا الله انى اسىء للاسلام بشىء
كلامى عن الاشخاص
EZAKI
18:26 - 03/15  

جزائري كفيف من مدينة #راس_العيون ولاية #باتنة خرج اليوم يدعوكم إلى الرحيل مثلما فعل كل ذوي الاحتياجات الخاصة في يومهم الوطني البارحة..
لم يبقى معكم أحد..

khalid24 عضوية موثقة
18:27 - 03/15  
David villa 14

المسيحى المتطرف او ما يطلق عليه ( اليمينى المتطرف ) عنده مشاكل ضد اهل بلده من تعلمه الخاطىء لدينه . وبرضوا المسيحيه زى الاسلام بيحرم قتل الانسان اى كان . فكونه انه متطرف مابيظهرش تطرفه بدينه مايعفهوش من جريمته .
وكمان المتطرفين المسحيين اليمينين فى حد اقنعهم واعتقد انهم اليهود وراهم ان عدوهم الاول هو الاسلام والمسلمين بوجهه عام وحول قضيته من محاربه فكر البعد عن الدين الى محاربه وجود المسلم او المهاجر بصفه خاصه فى بلادهم .
لان اليمين المتطرف كان عداءه ضد دولته وضد قيام العلمانيه وبعد الناس عن الكنيسه فى الغرب .
اما بخصوص المسلم المتطرف فالاسف يطلق عليه مسلم وليس يمينى متطرف لان اللى عاوز يشيطن كل المسلمين نسبه باللفظ ده .

جرائم القاتل سواء مسلم و لا مسيحي فهو بيمثل نفسه بس بحكم ان ده تابع لدين الاسلام فيقولوا ارهابي . وده تابع لدين مسيحى فمحدش بيذكر كلمه المسيحيه ويطلق عليه كلمه يمينى لكن حقيقيا الارهاب واحد .
طبعا فى ناس كتير بتأيد اللى حصل اليوم من المتطرفين والمتعاطفين معاهم و تشوف التعليقات هتعرف قد ايه هما مسحين متطرفين بفكر خاطىء عن دينه نفس الكلام عن المسلم المتطرف .
David villa 14
18:29 - 03/15  
بالمناسبه واخر رد في الموضوع ده
اكتر ناس غيره على دينها
المغتربين وعايشين اقليه فى اى بلد تانيه
بيبقى نفسك تورى كل الناس الجانب المشرق من دينك
وبتتمسك بدينك اكتر لما تحس ان محدش معاك غير ربنا
عكس الفكره المشهوره ان اللى بيسافر بينسى دينه
سلام
Secret window
18:30 - 03/15  
واحد مستهدف مسجدين يقتل المسلمين اللي فيهم
و تبقي في الاخر مش متع**ة بعقيدة .. اومال متع**ة بايه لامؤاخذه ؟

فيا
تمام مش لازم ترد .. بس المفروض انت قولت وجهة نظرك اللي انت شايفها حقيقة فالمفروض تتناقش فيها

مش ترمي رد و تجري و تقول انا قولت قبل كدا
husseinessam92
18:34 - 03/15  
فيا
يا باشا وجهة نظرك تحترم
بس انا شايف هم أصحاب عقيدة واليمين المتطرف أغلبهم من ديانة معينة بس انا مبحبش احسبها بالدين
سبب الي حصل انهاردة خطابات الكراهية الصريحة من السياسيين والإعلاميين في اليمين المتطرف في الدول الغربية و في نفس الوقت لو طلعت شككت في الهلوكوست في الدول دي هتتحبس بتهمة معاداة السامية
انت متخيل أن فيه سيناتور استرالي بعد حادث انهاردة طالع يقول إن هجرة المسلمين وتواجدهم في استراليا ونيوزلندا هو سبب الهجوم الي حصل !!
khalid24 عضوية موثقة
18:37 - 03/15  
انا كنت فى احدى الكورسات هنا فى مدريد وكان بيدرس معايا واد يمينى وكل شويه يتكلم عن المسلمين وعن المهاجرين . طبعا النقاش مع الشخص زى ده فاقد للاهليه . بس لما سالته عن سبب كراهيته للمهاجرين وتعمد اقول مهاجر موش مسلم قال لى انكم بتروحوا تصلوا فى جماعات ولكم حياه مختلفه عننا وليه مابناكلش الخنزير . قولت له فى ناس مابتكلش اللحوم خالص ايه مشكله شخص ماياكلش الخنزير فى اليهود محرم عندهم الخنزير . فعرفت ان سبب كره للمهاجر هو للدين نفسه . بس مدرسي علمانى و واجهه بكلمات كتير مقنعه ان دى مشكلته هو موش مشكله دولته .
  || مـQـهى كوره اهلاوية (44) || المرء بالأخلاق يسمو ذكره .   عرض جميع المشاركات بالكامل تصغير عرض جميع المشاركات

طباعة
التواقيع
حجم الصفحة:
الصفحة :
إذهب إلى منتدى:
كورة اهلاوية



~ حكمة اليوم ~ ~ ~ 0.25 ثانية ~
~ XML Sitemap ~ HTML Sitemap ~ URL List ~
كورة اهلاوية
http://kora-ahlawya.com
  © DuHok Forum Team 2016
 هذا الموقع يستخدم برنامج
DuHok Forum 2.1

© DuHok Forum Team 2015