كورة اهلاوية -   صحيفة النادي الأهلي (186) م (3) || الحمد لله ، كالعادة الأهلي يخسر خارج ارضه من فيتا كلوب .



طباعة
التواقيع
حجم الصفحة:
الصفحة :
إذهب إلى منتدى:
كورة اهلاوية
    صحيفة النادي الأهلي (186) م (3) || الحمد لله ، كالعادة الأهلي يخسر خارج ارضه من فيتا كلوب .   عرض جميع المشاركات بالكامل تصغير عرض جميع المشاركات
abo forat عضوية موثقة
18:43 - 03/08  
بسم الله الرحمن الرحيم

Google
18:43 - 03/08


abo forat عضوية موثقة
18:45 - 03/08  
مباريات الأهلي القادمة


⛳ فيتا كلوب x الأهلي .. السبت .. 9 مارس .. الساعة 6 م .. ملعب الشهداء بالكونغو .. الجولة 5 دور المجموعات دوري ابطال افريقيا.

ــــــــــــــــــــــ

⛳ الأهلي x شبيبة الساورة .. السبت .. 16 مارس .. الساعة 6 م .. استاد برج العرب .. الجولة 6 دور المجموعات دوري ابطال افريقيا.

ــــــــــــــــــــــ

⛳ توقف دولي ⛳ منتخب النيجر x منتخب مصر .. السبت .. 23 مارس .. الجولة 6 بتصفيات أمم أفريقيا 2019.

ــــــــــــــــــــــ

⛳ توقف دولي ⛳ منتخب نيجيريا x منتخب مصر .. الثلاثاء .. 26 مارس .. مباراة ودية.

ــــــــــــــــــــــ

⛳ الزمالك x الأهلي .. السبت .. 30 مارس .. الساعة 7 م .. استاد برج العرب .. الدوري المصري الاسبوع 17
abo forat عضوية موثقة
18:46 - 03/08  
الرجاء الضغط على الاعلانات
husseinessam92
19:28 - 03/08  
لو الافريقي صعد هتبقى مسخرة أن فريق يصعد على حساب فريق كسبه 0/8



City Lights
19:31 - 03/08  
هو فين محمد الغندور ده حارس الاهلي المعار ل شبين ؟

مش موجود مع المنتخب الاوليمبي ليه

و غريبة جدا اعارته لشبين دي الحقيقة

انت المفروض بتعير اللعيبة عشان تلعب في مستويات كويسة و ع الاقل في الدوري يعني

مش فريق تعبان في الدرجة التانية ما بينافسش اصلا ع الصعود
abo forat عضوية موثقة
19:31 - 03/08  
في ناس بتنتقد إدارة قناة الأهلي عشان سيد معوض حيحلل بكرة على المباراة على قناة الأهلي
وزاي واحد اشتغل في قناة بيراميدز يرجع الأهلي

هل الموضوع يستحق هذه الانتقاد
Egyptian Eagle
19:32 - 03/08  
قسنطينة مخسرش ولا ماتش بره ملعبه فى البطولة واعتقد هيجيبوا تعادل من مازيمبى وهيصعدوا مع الافريقى
osama sami
19:33 - 03/08  
تقريبا معوض اعتذر

طيب ما تامر بدوي زملكاوي واشتغل في بيراميدز
وبييجي على قناة الاهلي بقاله فترة
خميس الشوان عضوية موثقة
19:33 - 03/08  
سيد معوض غير كلامه اصلا وقالك انا متعاقد مع ام بي سي مصر
ناقص يجيبوا محمد الليثي
اسفاف والله
City Lights
19:35 - 03/08  
انا ما كانش عندي مشكلة ييجي

بس هو بيقول انه مرتبط ب ام بي سي

ف بالسلامة يعني
Secret window
19:38 - 03/08  
باك رايت قسنطينة بن عيادة رفعاته سم

و عندهم لعيبة وسط ملعب ممتازة فؤاد حداد و نسيم يتو

فريق محترم الحقيقة
خميس الشوان عضوية موثقة
19:39 - 03/08  
اسامة
تامر بدوي زملكاوي ازاي ؟
husseinessam92
19:39 - 03/08  
مش عارف بصراحة
هو احنا المفروض نعامل كله بنفس الطريقة ولا الي شارك في الغلط بس
الموضوع محير


خميس الشوان عضوية موثقة
19:39 - 03/08  
وقال فرج عامر، في تصريحات لـ"": "لا توجد بنود في عقد شيلونجو تمنعه من المشاركة مع الإسماعيلي أمام سموحة، في اللقاء المقبل بين الفريقين، لم نضع هذا البند عند إعارة اللاعب إلى الدراويش، في يناير/ كانون ثان الماضي".

وحول مصير المهاجم الناميبي سواء بالانتقال النهائي لصفوف الإسماعيلي أو العودة لسموحة في الموسم المقبل، أوضح: "هناك بند بأحقية الإسماعيلي في شراء اللاعب، بدايةً من الموسم المقبل، مقابل دفع 4.5 مليون جنيه، لكن لم يفعل مجلس إدارة الدراويش البند بشكل رسمي حتى هذه اللحظة".
Ahmed Ahlawy 91
19:43 - 03/08  
تامر بدوى اهلاوي

لكن هو في الاول والاخر محلل

ملعبش كورة ومش محسوب على اهل ولا زمالك

احنا اوفر اوى في مصر في الموضوع ده

حتى سيد معوض عادى

جاله عقد بفلوس حلوة في بيراميدز يرفض ليه يعني ؟

كان اتعرض عليه في الاهلي ورفض ؟
خميس الشوان عضوية موثقة
19:43 - 03/08  
رشح أحد وكلاء اللاعبين اسم كريم بامبو لاعب فريق الإسماعيلي على رئيس نادي الزمالك للتعاقد معه خلال فترة الانتقالات الصيفية القادمة.

تلقى إسلام جابر لاعب الفريق الأول لكرة القدم بنادي مصر المقاصة والمعار إلى صفوف الداخلية، عرضًا من مسؤولي نادي الزمالك، للحصول على خدماته في الموسم المقبل.

الزمالك يدخل مفاوضات "مزدوجة" لضم امام عاشور لاعب غزل المحلة المعار لحرس الحدود.
osama sami
19:44 - 03/08  
   إقتباس لمشاركة:  خميس الشوان  19:39:23 - 2019/03/08
اسامة
تامر بدوي زملكاوي ازاي ؟

ايام دي ام سي

 

كان بييجي مع عفيفي وابراهيم عبد الجواد 

 

وكانوا بيتكلموا عن الزمللك

 

والكلام كان مع عفيفي 

 

فكان بيتكلم

وقالهم ما تقولوا رأيكم

 

انتم مش زملكاوية برضه ؟

 

ومحدش اعترض وقال لا مش زملكاوية

 

وكملوا كلام عادي

City Lights
19:44 - 03/08  
ما اعتقدش ان تامر بدوي زملكاوي
خميس الشوان عضوية موثقة
19:50 - 03/08  

Image may contain: 1 person, sitting

Image may contain: 1 person, smiling, sitting and shoes

Image may contain: 1 person, smiling, playing a sport and outdoor

Image may contain: 1 person, playing a sport and outdoor

Image may contain: 1 person, playing a sport and outdoor

 Image may contain: 1 person, playing a sport and outdoor

 Image may contain: 1 person, smiling, playing a sport and outdoor

husseinessam92
20:00 - 03/08  
اعتقد اني سمعت أن تامر بدوي زملكاوي قبل كدا
والله اعلم
بس هو دايما كان بيحب يتكلم عن الكورة الأوروبية


Cm punk
20:04 - 03/08  
ابراهيم عبد الجواد زمالكاوي معروف

تامر بدوي من ايام ما كان بيجي مع بندق كان بندق علي طول بيقوله انه اهلاوي وسط الكلام
abo forat عضوية موثقة
20:06 - 03/08  
تامر بدوي حتى لو زملكاوي

طول ما بتسمع بيتكلم كورة فقط

وبيعطي كل فريق حقه بدون تحيز لفريق آخر
osama sami
20:07 - 03/08  
هو الموضوغ مش أهلاوي وزملكاوي

الموضوع كان لو حد اشتغل في بيراميدز
ينفع يشتغل في قناة الاهلي ولا لا


فتامر بدوي اشتغل هناك وجه الاهلي
ahmedkaed
20:08 - 03/08  
كيان بيراميدز كيان معادي بشكل صريح للاهلي اداره وجمهور وتم انشاؤه علي الاساس ده
واي اهلاوي يقبل يشتغل معاهم لازم علاقتنا بيه تنقطع وما يعتبش الاهلي او اي حاجه تابعه ليه
تامر بدوي اولا واخيرا اعلامي مستقل مالعبش كوره
حتي لو انتماؤه اهلاوي لكن مش محسوب ع النادي
لكن معوض والبدري وايوب وكل الاشكال القذره اللي المفروض مثلت النادي وخيره عليهم ما ينفعش يدخلوا النادي تاني بعد ما قبلوا يتعاونوا مع عدو الاهلي شوال الندامه
EZAKI
20:10 - 03/08  
   إقتباس لمشاركة:  husseinessam92  20:00:09 - 2019/03/08
اعتقد اني سمعت أن تامر بدوي زملكاوي قبل كدا
والله اعلم
بس هو دايما كان بيحب يتكلم عن الكورة الأوروبية

يعني كدة بدوي زملكاوي اروبي 

بس ازي زملكاوي وكان قريب في وقت من الاوقات ينضم للجهاز الفني كملل مباريات ايام البدري

+

بما انك بتحب الاسماعيلي ودا واضح من تعليقاتك ايه هي الاحتمالات الممكنة للحفاض على مركزهم 

osama sami
20:13 - 03/08  
انا شايف معوض ييجي قناة الاهلي عادي


هو برضه كان بيطلع يحلل عادي تقريبا
التمساح
20:21 - 03/08  
ترك الشيخ في الأول خالص كلم صالح قبل مايرجع مصر وقاله انا ممكن اعمل لعبة صغير واجيبك براميدز حرام موهبتك تضيع

صالح قاله بالنص انا وعدت جمهور الأهلي اني هلتزم وهقف جنب الأهلي سكت ترك وقاله لو عوزتني انا ممكن اطلعك تحترف برا واجيبك من برا لعندي رد صالح انا ملتزم بعقدي مع النادي الأهلي

من حوالي يومين كده صالح لقاه احمد حسن وميدو بيتصلوا بيه احنا عايزين نتكلم معاك وكده المهم صالح قبلهم في بيت احمد حسن تحديدا راح هناك قعد معاهم قالولو ياابني مش هتلعب اساسي انت موهبتك هضيع علي الدكه وكلام من ده كتير.فجاة مين ظهر ترك الشيخ ...

حطله مليون دولار علي التربيزه قاله ده هيبقي حاجه بسيطه لو وافقت انك تحترف للسعوديه بيع نهائي ومن هناك تيجي لعندي طبعا ميدو قاله اسمع الكلام وهيبقي ليك ضعفهم رد ترك قال هيبقي ليك زيهم تاني دلوقتي لو وافقت

صالح سكت شويه بعدها رد قال انا ملتزم بعقدي مع الأهلي والجهاز الفني وعدني اني هاخد فرصه لكن عشان انا كنت بعيد شويه الفتره اللي فاتت

وقاال انا واعد جمهور الأهلي اني هرجع احسن من الأول وانا عند وعدي وإحنا في فتره صعبه ولازم اقف جنب التيم حتي لو خرجت من أفريقيا فاانا بتاسف لحضرتك انا مش هلعب في مصر غير للاهلي فقط لان الأهلي بيتي واستأذن ومشي ..

المصدر وكيل أعمال صالح
Secret window
20:24 - 03/08  
الترجي متقطعين و جابوا الاول
يخربيت الحظ
husseinessam92
20:25 - 03/08  
   إقتباس لمشاركة:  EZAKI  20:10:29 - 2019/03/08

يعني كدة بدوي زملكاوي اروبي 

بس ازي زملكاوي وكان قريب في وقت من الاوقات ينضم للجهاز الفني كملل مباريات ايام البدري

+

بما انك بتحب الاسماعيلي ودا واضح من تعليقاتك ايه هي الاحتمالات الممكنة للحفاض على مركزهم 

عادي زملكاوي يشتغل في الاهلي وهو راجل محترم عمره ما طلع برا الفنيات و اتكلم في اي موضوع شائك 

بالنسبة للاسماعيلي خلاص الفريق تعبان والموسم الي فات كان طفرة أنه وصل مركز تاني ورحيل ابراهيم حسن وعواد كان مؤثر بردو 


Ronaldo alex 7
20:29 - 03/08  
تامر بدوي اهلاوي و شفت في مدرجات الاهلي ماتش قدام الاسماعيلي 2008 و كان بيشجع معانا الماتش كان في الكلية الحربية و قعدنا يومها تالتة يمين و اتعادلنا و كان احمد عادل حارس بعد هروب الحضري و اصابة امير


كنت وقتها مع التراس ديفيلز اسكندرية و كان معانا محمود الغندور الله يرحمه
City Lights
20:30 - 03/08  
انا شايف ان التحليل في برنامج و الكلام في الكورة غير ان الواحد يشتغل في النادي نفسه و يبقي مسئول فيه و مشارك في السياسات بتاعته

مش كل الحالات شبه بعض

ف اللي عمله معوض غير اللي عمله باقي المطاريد

و بنفس القياس وضع تامر بدوي غير الباقيين لأنه مش محسوب ع الاهلي

حتي لو اهلاوي ف هو من وقت ظهوره ع الساحة واخد صورة الحياد و التحليل الفني بشكل صرف ما صدرش نفسه علي انه زعيم الاهلاوية زي عفيفي مثلا و بعدها راح اشتغل مسئول في بيراميدز مش مجرد محلل ..
    صحيفة النادي الأهلي (186) م (3) || الحمد لله ، كالعادة الأهلي يخسر خارج ارضه من فيتا كلوب .   عرض جميع المشاركات بالكامل تصغير عرض جميع المشاركات

طباعة
التواقيع
حجم الصفحة:
الصفحة :
إذهب إلى منتدى:
كورة اهلاوية



~ حكمة اليوم ~ ~ ~ 0.68 ثانية ~
~ XML Sitemap ~ HTML Sitemap ~ URL List ~
كورة اهلاوية
http://kora-ahlawya.com
  © DuHok Forum Team 2016
 هذا الموقع يستخدم برنامج
DuHok Forum 2.1

© DuHok Forum Team 2015